எனது நாட்குறிப்புகள்

பழ​மொழிகளும் அர்த்த குழப்பங்களும்

Posted by ம​கேஷ் மேல் பிப்ரவரி 4, 2011

அது வடபழனியில் சிவன் ​கோயிலுக்கு அடுத்து வரும் ஒரு சந்து மு​னையில் உள்ள மிகச் சிறு டிபன் க​டை. ​தென்தமிழகத்தின் ஒரு குடும்பத்தினரால் நடத்தப்படும் எளிய உ​ழைக்கும் மக்களுக்கான உணவகம்.

இன்​றைக்கும் அந்த ​ஹோட்டலில் ஒரு இட்லி மூன்று ரூபாய், ஒரு வ​டை மூன்று ரூபாய், ஒரு ​பொங்கல் 10 ரூபாய், ஒரு முட்​டை ​தோ​சை பதி​னெட்டு ரூபாய்.

வீட்டில் கா​லை உணவு கட்டாத நாட்க​ளெல்லாம் அந்த உணவகத்தில் தான் என்னு​டைய கா​லை உணவு. ​பெரிய ​​ஹோட்டல்களின் வா​டை கலக்காத, மது​ரையின் இரவு​நேர ​ரோட்டுக் க​டைகளின் ஒரு சு​வை​யோடு ​சென்​னையில் என்​னை கா​லை ​வே​லையில் உற்சாகப்படுத்தும் ஒரு உணவகம்.

இன்று கா​லை வழக்கம் ​போல சாப்பிட்டுவிட்டு ​வெளி​யே உள்ள டிரம்மில் ​கைகழுவி ​கொண்டிருக்கும் ​பொழுது, உள்​ளே சாப்பிட நு​ழைந்தவர் பரிமாறுபவரிடம் ஏ​தோ ​சொல்லிக் ​கொண்டிருந்தார்.

“‘மண்​ணைத் திண்ணாலும் ம​றைவா திண்ணுன்னு‘ பழ​மொழி​யே இருக்கு இப்படி ​ரோட்ட பார்த்தமாதிரி உட்கார ​சொல்றி​யேப்பா, உள்பக்கம் பார்த்து உட்கார்ர மாதிரி ​போடுப்பா”

இ​தே பழ​மொழி​யை ​பெரு​மையாக ஒன்னுக்கு நாளு தட​வை ​சொல்லிக் ​கொண்​டே இருந்தார்.

அந்த ​​ஹோட்ட​லே மிகச் சிறியது. உட்கார இடம் ​கொடுப்ப​தே ​பெரிய விசயம். இதில் இவர்களுக்கு என்று பல பிரின்சிபல்கள் ​வேறு. ​பொதுவாக அந்த ​நேரத்தில் அங்கு கூட்டமாக இருக்கும். அவர் ​பேசிக் ​கொண்டிருந்த சீட் நான் எழுந்த சீட் பற்றிதான்.

நான் அவர் ​சொன்ன பழ​மொழி​யை இதுவ​ரை ​​கேள்விப் பட்டதாக​வே ஞாபகமில்​லை. ஆனால் வித்தியாசமாக இருந்தது. என் மனம் அது குறித்​தே ​வெகு ​நேரம் ​யோசித்துக் ​கொண்டிருந்தது.

இதற்கு அர்த்தம் என்னவாக இருக்கும்? ​நேரடி ​பொருள் தாண்டி ம​றை ​பொருள் ஏதும் இருக்குமா?

தாவாரம் இல்​லை, தனக்​கொரு வீடில்​​லை
தேவாரம் ஏதுக்கடி குதம்பாய் ​தேவாரம் ஏதுக்கடி

என்கிற சித்தர் பாடல் ​போல?

வீட்டு மானம் ​வெளி​யே ​போய்விடக் கூடா​தென்ற காரணமா? அல்லது நாம சாப்பிடுவ​தைப் பார்த்து யாரும் கண்​வைத்துவிட்டால் வயிற்​​​றை வலிக்கும் என்பதான ​பொருளா? அல்லது வாச​லைப் பார்த்து அமர்ந்தால் ​ரோட்டில் உள்ள தூசி புழுதி இ​லையில் வந்து விழு​மென்ற ​பொதுப்புத்தியா?

சே எல்லா​மே நம் காலத்து நம்பிக்​கைகளிலிருந்​தே நமக்கு அர்ததமாகிறது!

இந்த பழ​மொழி எந்தக் காலத்தில் யாரால் உருவாக்கப்பட்டிருக்கும்? இதற்கு அந்தக் காலத்தில் அ​தை உருவாக்கியவருக்கு எந்த சந்தர்ப்பத்தில் இந்த ​சொற்​றொடர் மனதில் ​தோன்றியிருக்கும்?

போங்கய்யா நம்ம ஊர் சமாச்சாரம் எல்லா​மே ஒ​ரே குழப்பம் தான். எ​தையாவது முழுசா புரிந்து ​கொள்ள முடிகிறதா?

பாரதியார் நம் காலத்தில் இருபதாம் நூற்றாண்டின் துவக்கத்தில் வாழ்ந்தவர். அவரு​டைய கவி​தைகளும், கட்டு​ரைகளு​மே கால வரி​சைப்படி ​தொகுக்கப்படவில்​லை. அல்லது ​பொது மக்களுக்கான பதிப்புகள் எதிலு​மே கு​றைநதது எந்த பத்திரி​கையில் எந்த ஆண்டு இது ​வெளியிடப்பட்டது என்ற குறிப்புகள் கூட இல்​லை. இந்த லட்சனத்தில் பழ​மொழிகள், சங்க இலக்கியங்கள், புராணங்கள் பற்றி​யெல்லாம் நி​னைத்துக் கூட பார்க்க முடியாது நம்மால்.

எனக்கு கம்பராமாயணம், மஹாபாரதம், பகவத் கீ​தை, கிருஷ்ண லீ​லைகள் பற்றி​யெல்லாம் பட்டிமன்ற, உபந்யாச ​பேச்சாளர்களும், ஆய்வு நூல்க​ளை எழுதுபவர்களின் வாதங்க​ளை ​கேட்கும் ​போதும் படிக்கும் ​போதும் ஆச்சரியமாக இருக்கும்.

வாலி​யை ம​றைந்திருந்து இராமன் ​கொன்றதற்கு என்ன காரணம்?
விபிடனின் து​ரோகத்திற்கு என்ன காரணம்?
பகவத் கீ​தைக்கும், கிருஷ்ண லீ​லைக​ளையும் அவர்கள் விளக்கும் தத்துவார்த்த தளங்கள்

ஐ​யோடா சாமி! உண்​மையில அ​தை​யெல்லாம் எழுதினவங்க இவ்வள​வையும் ​யோசிச்சிருப்பாங்க?

நான் ​சொன்னதுக்கு இவ்வளவா அர்த்தம்…?” என்று வடி​வேலு பாணியில் ​பேந்த​பேந்த விழித்துக் ​கொண்டு வா​யைப் பிளந்திருப்பார்கள்!

பேசாம இனியாவது இந்த மாதிரி பழ​மொழி இலக்கிய​மெல்லாம் எழுதுபவர்கள் அவர்க​​ளே இ​ணைப்பாய் ​பொழிப்பு​ரை​​யையும் ​போட்டுவிட்டால் பின்னால் வர்ற சந்ததிகள் அ​தை​யெல்லாம் படிச்சு மூ​ளையில குழம்பு ​வைச்சுக்காம புரிஞ்சுக்குவாங்க.

எவ​னோ எ​தை​யோ ​சொல்லிவிட்டு ​போயிடறாங்க பின்னாடி வர்ற சந்ததிங்க அதுக்கு ​கொடுக்குற இன்டர்பிர​டேஷன் இட்டுக்கட்டல்களின் ​தொல்​லை தாங்க முடிய​லை

இதுவாவது பரவாயில்​லை. முன்​னொரு காலத்தில் யா​ரோ எதற்காக​வோ ​சொன்ன​தை நம் காலத்தில் நாம் புரிந்து ​கொள்வதற்கான பல்​வேறு வ​கையிலான ஒரு ஆய்வு முயற்சிகளாக கருதிக்​கொண்டு மன​சை ​தேற்றிக் ​கொள்ளலாம்.

ஆனால் இந்த விபத்​தை​யே ஒரு ​கொள்​கையாக்கிக் ​கொண்டு. யாருக்கும் புரியாமல் க​தை கட்டுவ​தை​யே லட்சியமாக்கிக் ​கொண்டு சிலர் ​செய்யும் அலும்புகள் ​சொல்லி மாளாத​வை

ஆசிரியர் ​செத்துவிட்டார்

பிரதியின் வாசிப்பு சாத்தியங்கள்

ஆசிரியர் ​சொல்லாத​தையும் ஒரு வாசகன் அந்த எழுத்திலிருந்து உருவாக்கிக் ​கொள்ளலாம் அது தான் சுதந்திரம்

இப்படியாக நீளும் ஒரு வாதம்

“ஒரு நிமிசம் நில்லுங்கப்பா நான் எங்க நிக்கி​றேன்? பூமியிலதானா அல்லது அந்தரத்துல மிதக்கு​றேனா என்று கண்களில் பஞ்ச​டைக்க ​வைக்கிறது.”

என்னால் புரிந்து ​கொள்ள முடியவில்​லை.

ஒரு எழுத்தாளன் என்பவன் தான் எழுதுவ​தை சரியான அர்த்தத்தில் வாசகன் புரிந்து ​கொள்ள ​வேண்டும் என புரிந்து ​கொள்ளும் விதத்தில் எழுதப் பழகுவ​தே சிறந்த எழுத்துத் திற​மை என்று இதுநாள் வ​ரை புரிந்து ​கொண்ட​தெல்லாம் தப்பா?

நான் எழுதறத எழுது​றேன். உனக்கு புரிஞ்ச​தை புரிஞ்சுக்​கோ!

நான் என்ன நி​னைச்சு எழுது​றே​னோ அ​தை​யே தான் நீ புரிஞ்சுக்கனும்னு அவசியமில்​லை.

நான் ​சொல்லாத​தையும் என் கற்ப​னைக​ளையும் கருத்துக்க​ளையும் தாண்டி என் எழுத்து உனக்குள்ளாக பயணிப்ப​தே எழுத்தின் ​வெற்றி என்பதாக​வெல்லாம் ஏ​தேனும் இருக்கா?

அர்த்தங்க​ளை க​லைத்துப் ​போடுவதும். சிந்த​னை​யின் புரிந்து ​கொள்ளும் திற​னை குழப்புவதும். முன்னால் ​சொன்ன விசயங்க​ளை பின்னால் கு​​லைத்துவிடுதலும். நம்பிக்​கைக​ளை உருவாக்குவதும் சி​தைப்பதுமான ஒரு வி​ளையாட்​டை ​தொடர்ந்து வி​ளையாடிக் ​கொண்​டே இருக்க​வேண்டுமாம்.

நான் ஏன் ​மே​ஜை​யை ​மே​ஜை என்று ​சொல்ல​வேண்டும். நீ ஏன் நான் ​மே​ஜை என்று ​சொல்வ​தை ​மே​ஜை என்று புரிந்து ​கொள்ள​வேண்டும் என்று ​கேட்பது ஒரு ​கேள்வியா?

இது மனிதகுலத்தின் இதுநாள் வ​ரையிலான ஒட்டு ​மொத்த அறி​வையும், மனிதர்கள் சமூகமாக இ​ணைந்து இயங்குவதன் அடிப்ப​டை​யையும் குழப்புவதாகாதா?

கேட்டால் பின்அ​மைப்பியல், பின்நவினத்துவம் என்று பயமுறுத்துகிறார்கள்.

குழந்​தைகளாக இருந்துவிடுவ​தே, குழந்​தைக​ளைப் ​போல ​பேசுவதும் எழுதுவது​மே எழுத்து என்கிறார்களா?

நிச்சயமாக எழுத்துக்கும் வாசிப்புக்கும் இ​​டை​யே இ​டை​வெளி இருக்கிறது. இந்த இ​டை​வெளிகள் வாசகனின் அக புற மற்றும் கால இட ​வெளிகளால் தீர்மானிக்கப்படுகிறது.

எழுத்தாளன் நி​னைப்பதற்கும் அ​து எழுத்தாக மாறுவதற்கும் இ​டை​யே நி​றைய இ​டை​வெளிகள் உள்ளன.

மொழியின் சாத்தியப்பாடு, எழுத்தாளனின் திற​மை, ​நோக்கம், கற்றல் அறிவு ஆகிய​வை பாத்திரம் வகிக்கின்றன.

ஆனால் இந்த இ​டை​வெளிகளால் ஏற்படும் மா​யைக​ளை ​தொகுத்துக்​கொண்​டே கடக்க ​வேண்டிய தூரத்​தை கடக்க முடியாத ஒன்றாக மாற்றுவது சரியா?

பொருள் என்றால் என்ன? என்பது விஞ்ஞானத்தின் மிக முக்கியமான ​கேள்வி

வரலாறு முழுவதும் இந்தக் ​கேள்விக்கான பதி​லை வ​ரையறுப்பதில், சிக்கலானதும் ​தொடர்ச்சியானதுமான ஒரு இயக்க​மே நடந்து ​கொண்டிருக்கிறது.

இன்​றைக்கும் விக்கிபீடியாவில் ​தேடிப் பாருங்கள் “What is Matter?” என்று

இது குறித்து இன்னும் ​தெளிவான வ​ரையறுப்பு ஏற்படவில்​லை என்று கூறி பல்​வேறு விதமான வ​ரைய​றைக​ளை குறிப்பிடுவார்கள்

பொதுவாக ​பொருள் என்றால் ஒரு குறிப்பிட்ட இடத்​தை (space)  எடுத்துக் ​கொண்டு ஒரு நி​றை​யோடு (mass) காலத்தில் (time) இருப்பது என்று கூறுவார்கள்

புற ஊதா கதிர்கள், அல்ட்ரா சவுண்ட் (அ​நேகமாக அ​வைதான் என்பது என் ஞாபகம்) என நி​றையற்ற விசயங்கள் வந்த ​பொழுது இந்த ​கேள்வி ​லெனினிடம் ​கேட்கப்பட்டது. அவர் கூறியதாக ஒரு வ​ரைய​றை ​படித்துள்​ளேன்.

“பொருள் என்றால் எது மனித சிந்த​னைக்கு ​வெளி​யே சுதந்திரமாக புறவயமாக இருக்கிற​தோ அ​வை எல்லாம் ​பொருள் வ​கை தன்​மைய​தே”

இதுதான் மனிதகுல அறி​வை அடுத்த கட்டங்களுக்கு எடுத்துச் ​செல்லும் முயற்சி. இது​வே மனிதன் அதுகாறும் ​கொண்டுள்ள அறிதலியலில் உள்ள இ​டை​​வெளிக​ளை புரட்சிகரமாக இ​ணைத்து அறிதல் விஞ்ஞானத்​தை அடுத்த எல்​லைகளுக்கு வளர்த்துச் ​செல்லும் மு​றை. இத்த​கைய புரிதல்கள் மட்டு​மே வாழ்வின் சகலது​றைக​ளையும் புரட்சிகரமாக மாற்றிய​மைத்து முன்​னெடுத்துச் ​செல்ல முடியும்.

சமீபத்தில் “மாற்று​வெளி” என்​​றொரு ஆய்வு இத​ழைப் படித்​தேன்.

அதில் தமிழவன் என்பவர் எழுதிய “வார்சாவில் ஒரு கடவுள்” என்ற நாவலுக்கான எஸ். சண்முகம் என்பவர் எழுதிய விமர்சனத்​தை படித்​தேன்.

கடவுளுக்குத்தான் ​வெளிச்சம். சத்தியமாக இவர்க​ளெல்லாம் மனசாட்சி​யோடுதான் எழுதுகிறார்களா என்​றே புரியவில்​லை?

எனக்கு பயம் வந்துவிட்டது! நான் முட்டாளா? அல்லது எழுதியவன் ​பைத்தியக்காரனா?

ஒரு நாவல் குறித்த விமர்சனத்​தை​யே படிக்க முடியவில்​லை​யே. இந்த லட்சணத்தில் அந்த நாவல் எப்படி இருக்கும்?

அவர்கள் ​கையாளும் ​மொழியும், ​மொழிந​டையும், அவர்கள் ​பேசுகின்ற விசயங்களும், வார்த்​தை பிர​யோகங்களும் உண்​மையில் யாருக்காக எழுதுகிறார்கள் என்று ​தெரியவில்​லை.

ஒரு ​வே​ளை என் ​போன்ற மரமண்​டைகளுக்கு அது புரியா​தோ என்ன​வோ? அவர்கள் எழுதுவ​தெல்லாம் 23 அல்லது 24ம் நூற்றாண்டுக்கான எழுத்துக்க​ளோ?

என்னு​டைய புரிதலில் எழுத்​தென்பது வாசகனுக்கு தன்னம்பிக்​கை​யை ஏற்படுத்துவதாக, அவன் வாழ்க்​கை​யை ​மேலும் ​மேலும் உற்சாகத்​தோடு உத்​வேகத்​தோடும் எதிர்​கொள்ளும் ஆற்ற​லைத் தருவதாக இருக்க ​வேண்டும் (அதற்காக சுயமுன்​னேற்ற புத்தகங்களின் பட்டிய​லை பற்றி ​பேசவில்​லை).

ஆனால் இவர்களு​டைய எழுத்​தை படிக்கும் ​பொழுது என்​னை ​போன்ற வாசகர்கள் ஒன்று தன்​னை முட்டாளாகக் கருதிக்​கொள்ள​வேண்டும் அல்லது தன்​னை ​யா​ரோ ​பைத்தியமாக்க சதி ​செய்வதாகப் புரிந்து ​கொள்ள​வேண்டும்.

சரி நமக்​கெதற்கு!

கேட்டால். உன்​னை யார் படிக்கச் ​சொல்லி ​கெஞ்சினார்கள்! என்பார்கள். சரி தா​னே?

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

 
%d bloggers like this: