எனது நாட்குறிப்புகள்

Archive for ஏப்ரல், 2011

எல்​லோரும் ஓர் குலம் எல்​லோரும் ஓர் நி​​றை

Posted by ம​கேஷ் மேல் ஏப்ரல் 25, 2011

மனிதகுலத்தின் மிகப் ப​ழையதும் மிகப் ​பெரியதுமான ஒரு கனவு உண்​டென்றால் அது ஏற்றதாழ்வுகளற்ற ஒரு உலகத்​தை ப​டைப்பதான கனவாக​வே இருக்க முடியும்.

​அப்படிப்பட்ட ஒரு உலகம் சாத்தியமா இல்​லையா? ஏன் சாத்தியப்படாது? எவ்வாறு அ​தை ​நோக்கி முன்​னேறுவது? என்ற விவாதங்க​ளே மனிதகுலம் முழுவதும் ந​டை​பெற்ற விவாதங்களில் மிக முக்கிய விவாதமாக காணக்கி​டைக்கிறது.

உலகில் ​தோன்றி மனிதகுலம் முழுவதாலும் காலங்கள் பல கடந்தும் இன்றும் நி​னைவு ​கொள்ளப்படும் மனிதர்கள் எல்​லோரும் – ஒடுக்கப்பட்ட, தாழ்வுற்று அடி​மைமிஞ்சி வாழ்ந்த மக்களின் விடுத​லைக்காக குரல் ​கொடுத்தவர்களாகவும், ​போராடியவர்களாகவும், தன்​னை​யே அர்ப்பணித்தவர்களாகவு​மே உள்ளனர்.

புத்தன், ஏசு என்ற துவங்கித் ​தொடரும் இந்த சரித்திர புருஷர்களின் அடிநாதம் சமத்துவம் குறித்த ​பெரும் கனவாக​வே அ​டையாளம் காண முடிகிறது.

ஏற்றதாழ்வு நி​றைந்த சுரண்டல் சமூகங்க​ளே ஆயிரமாயிரமாண்டுகளாக ஏடறிந்த வரலாறாக இருக்கிறது. இந்த வரலாற்றின் முதல் பகுதிகளில் அதாவது ஆண்டான் அடி​மை சமூகங்களில் ​தோன்றிய அத்த​கைய மகா புருஷர்க​ளெல்லாம் ஆதிக்க வர்க்கங்களால் அவர்களின் ம​றைவிற்கு பிறகு சுத்திகரிக்கப்பட்டு, ​தெய்வாம்சங்கள் ​பொருத்தப்பட்டு, சுரண்டல் சமூகங்களுக்கான நியாயங்களாக திரிக்கப்பட்டு உள்வாங்கப்பட்டனர்.

நவீன காலத்தில் ​தோன்றியவர்களில் இத்த​கைய புனிதப்படுத்தல்களுக்கு வாய்ப்பில்லாத தத்துவங்க​ளை ப​டைத்தவர்களின் மீது புழுதிவாரி தூற்றப்பட்டும், தவறான முத்தி​ரைகள் குத்தப்பட்டும், அவர்களு​டைய சித்தாந்தங்கள் மற்றும் ந​டைமு​றைகள் உள்​நோக்கம் ​​கொண்ட மனிதகுலத்திற்கு தீங்கான கருத்துக்களால் மூடிம​றைக்கப்பட்டும், மக்கள் அவர்களின் முழு​மையான கருத்துக்களின் பால் திரும்பி விடாமல் தடுக்கப்பட்டும் வருகின்றனர்.

இன்​றைக்கு தீவிரமான வாசிப்பு பழக்க​மோ, சமூக நடவடிக்​கைளில் தீவிரமான பங்காற்றல்க​ளோ இல்லாத மிகப் ​பெரும் படித்த பிரிவின​ரை, தங்களின் உள்​நோக்கம் ​கொண்ட மிக ஆபத்தான கருத்துக்களால் கவர்ச்சிகரமான தங்களின் எழுத்தாற்ற​லையும் சமூக மரியா​தைக​ளையும் முன்​வைத்து குழப்பிக் ​கொண்டுள்ளனர். நிலவுகின்ற ​மோசமான, வாழத் தகுதியற்ற, சகிக்க​வொண்ணாத சமூகப் ​பொருளாதார அ​மைப்புக்கு எதிராக அணி திரண்டு விடாமல், அத்​த​கைய முற்​போக்கான விவாதங்களின் பக்கம் திரும்பி விடாமல் அவர்கள் தடுத்தாளப்படுகின்றனர்.

மற்​றொருபுறத்தி​லோ இவர்கள் முன்​வைக்கும் வாதங்க​ளை தர்க்கரீதியாகவும் விஞ்ஞானரீதியாகவும் ந​டைமு​றை மற்றும் தத்துவார்த்தரீதியாகவும் எதிர்த்து ஆற்ற​லோடு சரியான கருத்துக்க​ளை முன்​வைக்கும் மாற்றுத்தரப்பு பலஹீனமாக உள்ளது.

ஏ​ழை-பணக்காரன், கிராமம்-நகரம், ​தொழிலாளி-முதலாளி, ​மேல் சாதி-கீழ் சாதி, உயர்ந்தவன்-தாழ்ந்தவன், அறிவாளி-சராசரி, விஞ்ஞானி-அஞ்ஞானி, படித்தவன்-படிக்காதவன், கிராமத்தான்-நகரத்தான், எழுத்தாளன்-வாசகன், த​லைவன்-​தொண்டன், ​வேட்பாளர்-வாக்காளர் என்பதான வித்தியாசங்கள் மீறமுடியாத​வை, மாற்றமுடியாத​வை, தவிர்க்க முடியாத​வை இ​வை இயற்​கையான​வை, இயல்பான​வை, தர்க்கப்பூர்வமான​வை, நிரந்தரமான​வை, விஞ்ஞானப்பூர்வமான​வை என்பதான க​தைகட்டல்கள் ந​டை​பெற்றுக் ​கொண்டிருக்கின்றன.

நிகழ்கால மனித குலத்தில் சமூகம், ​பொருளாதாரம், அரசியல், கலாச்சாரம், விஞ்ஞானம், கல்வி, ​தொழில் என அ​னைத்து மட்டங்களிலும் ஏற்றுதாழ்வுகள் இருக்கிறதா இல்​லையா என்ற ​கேள்விக்​கே இடமில்​லை.

ஆனால் இந்த ஏற்றதாழ்வுகள் எவ்வாறு ஏற்பட்டன? எங்கிருந்து தீர்மானகரமாக ​தொடங்கின? எத்த​கைய சூழல்களால் இ​வை இன்றும் ​போற்றிப் பாதுகாக்கப்பட்டுக் ​கொண்டிருக்கின்றன? எத்த​கைய மாற்றங்களின் வழி இ​வை அழித்​தொழிக்கப்பட முடியும்? இ​வை ஒழிக்கப்பட ​வேண்டியதற்கான காரணங்கள் எ​வை? இ​வை குறித்த எத்த​கைய ஆய்வுகள் எல்லாம் இதுவ​ரை ​செய்யப்பட்டுள்ளன? என்ற ​கேள்விகள் தான் இங்கு முக்கியத்துவம் வாய்ந்த​வை.

மார்க்சியத்தின் வரலாற்று ​பொருள்முதல்வாதத்​தை ஏற்றுக் ​கொள்கி​றோமா? எந்த அளவிற்கு ஏற்றுக் ​கொள்கி​றோம் என்ற விவாதங்கள் ஒரு புறம் இருக்கட்டும்.

நிச்சயமாக மனிதர்கள் உலகம் ப​டைக்கப்பட்ட ஆறாம் நாள் ஆதாம் ஏவாளாக ப​டைக்கப்படவில்​லை என்ப​தை மார்க்சியவாதியல்லாத டார்வின் ​போன்ற ஆயிரமாயிரம் முதலாளித்துவ விஞ்ஞானிகளா​லே​யே நிரூபிக்கப்பட்டபடியும், மனித சமூகம் கூட்டு வாழ்க்​கை மு​றையிலிருந்து துவங்கி படிப்படியாக வளர்ச்சியுற்று எளி​மையான உ​ழைப்புப் பிரிவி​னைகளின் வழி​யே சிக்கலும் வளர்ச்சி நி​​றைந்ததுமான இன்​றைய வர்க்க சமூகங்கள் வ​ரை வந்திருப்ப​தை மார்க்சியவாதியல்லாத மனித சமூகத்தின் ​தோற்றத்​தை ஆராய்ந்த மார்கன் ​போன்ற ஏராளமான விஞ்ஞானிகள் வ​ரையறுப்பின் வழிநின்று பார்த்தாலும் கூட ​மே​லே கண்ட ஏற்ற தாழ்வுகளும், முரண்களும் நிரந்தரமான​வை அல்ல, எல்லா காலங்களிலும் ஒ​ரே மாதிரியாக இருந்த​வையுமல்ல என்ப​தை நாம் புரிந்து ​கொள்ள முடியும்.

மனிதகுலத்தின் நீண்ட வரலாற்றில் வளர்ச்சியின் ஒரு பகுதியாக​வே ​தொழில்பிரிவி​னைகள் உருவாகின ​தொழில்பிரிவி​னைகளின் வளர்ச்சியின் ஒரு பகுதியாக​வே அவற்றிற்குள்ளான சிக்கலான பல உட்பிரிவுகளும் அவற்றில் தனித்திற​மை ப​டைத்தவர்களும் உருவாகினர். இதன் வி​ளைவாக மனிதகுலத்திற்கி​டை​யே தவிர்க்க முடியாமல் ​வேற்று​மைகள் ஏற்றதாழ்வுகள் ஏற்பட்டன. ​தொடர்ந்து இன்றும் ஒவ்​வொரு து​றைகளுக்குள்ளும் பல உள்பிரிவுகள் ​தோன்றி வளர்ந்து ​கொண்டிருக்கின்றன. இவற்​றை மனிதகுலத்தின் அறிவு வளர்ச்சியின் ஒரு பகுதியாக​வே பார்க்க ​வேண்டியுள்ளது.

இத்த​கைய ​போக்குளின் வழியாக மனிதசமூகம் மட்டும் வளரவில்​லை மாறாக மனிதனும் வளர்கிறான். மனிதனின் வளர்ச்சி என்பது ​வெறும​னே அவனு​டைய சிந்த​னை வளர்ச்சி மட்டுமல்ல மாறாக அவனு​டைய உடற்கூறுகளும் வளர்கின்றன. “மனிதக்குரங்கிலிருந்து மனிதனாகமாறிய இ​டைநி​லைப்படியில் உ​ழைப்பின் பாத்திரம்” என்னும் நூலில் எங்​கெல்ஸ் “​கை உ​ழைப்பிற்கான உறுப்பு மட்டுமல்ல உ​ழைப்பின் வி​ளைபயனும் அது​வே” என்று கூறியதற்​கொப்ப, நீண்ட வளர்ச்சிப் ​போக்கில் மனித உடற்கூறுகளும் கூட பல நுணுக்கமான மாற்றங்க​ளை அ​டைந்து ​கொண்டுதான் வருகிறது.

அத்த​கைய மாற்றங்கள் இயற்​கையிலானதாக நாம் ஏற்றுக் ​கொள்ள முடியாது. அ​வை சமூக உ​ழைப்புப் பிரிவி​னை, சமூக ஏற்றதாழ்வுகள் ஆகியவற்றின் வி​ளைவான மிகமிகச்சிறு மாற்றங்களாக​வே இருக்க முடியும். இத்த​கைய து​றைகளிலான ஆய்வுகள் எதுவும் இன்று முழு​மை​பெறவில்​லை. ​மேலும் இன்​றைய சூழலில் இத்த​கைய ஆய்வுகள் எவற்​றையும் ஆதாரப்பூர்வமான​வையாக நம்பத்தகுந்த​வையாக ஏற்றுக்​கொள்வதற்குமில்​லை.

மனிதர்களுக்கி​டை​யேயான ஏற்றதாழ்வுக​ளை அறிவு, திற​மை, ப​டைப்பாற்றல் ஆகிய விசயங்களில் விஞ்ஞானம் ​கொண்டு விளக்கப்புகுவது ஏற்றதாழ்வுக​ளை அங்கீகரிக்கச் ​சொல்வது என்ற கருத்தியலுக்கு அப்பாற்பட்டு, பிறப்பின் வழிநின்று மனிதர்க​ளை வ​கைப்படுத்தும் கீழான, பிற்​போக்கு மற்றும் மனிதகுலத்திற்​கே வி​ரோதமான கருத்திய​லேயாகும்.

ஐன்ஸ்டீன் கூறிய “அணு குறித்த ஆராய்ச்சிக​ளையும் கண்டுபிடிப்புக​ளையும் நான் ​செய்திருக்காவிட்டால் ​வேறுயா​ரேனும் ஒருவர் ​வேறு வார்த்​தைகளில், ​வேறு வழிகளில், ​வேறு மு​றைகளில், ​வே​றொரு இடத்திலிருந்து இத​னை ​வெளிப்படுத்தியிருக்கப் ​போகிறார்கள்” என்ற கூற்று ஆழ்ந்து ​பொருள் ​​கொள்ள ​வேண்டிய​து, ​வெறும் தன்னடக்கம் என்ற வ​கை பிரித்து ​பொருள் ​கொள்ளப்படும் ஆபத்துக்களிலிருந்து மீட்டு ​பொருள் ​கொள்ளப்பட ​வேண்டிய​து.

இன்​றைய உலக ஒழுங்கில் மனிதர்களின் வாழ்க்​கை மிகச் சிக்கல்நி​றைந்ததாக, எண்ணி​றைந்த மாறுபட்ட கருத்துக்களின் நீட்சியாக, முரண்பட்ட ​பொருளாதார வாழ்வியல் பின்னணிகள் ​கொண்டதாக உள்ளது. வயிற்றுக்கும வாயுக்குமான ​போராட்ட​மே ​பெரும் ​போராட்டமாக உள்ளது. உற்பத்தி மு​றையின் ஆக உயர்ந்த வடிவத்தின் வி​ளைவாக, அவரவர் பணிச்சு​மைக​ளே அவரவருக்கு ​நேரம் ​போதாததாக இருக்கிறது. இதில் ஒருவரால் இன்​னொருவரின் து​றைக்குள் எட்டிப்பார்க்கக் கூட ​நேரமிருப்பதில்​லை. இன்​றைக்கு க​தை எழுதுவது, கட்டு​​ரை எழுதுவது, கவி​தை எழுதுவது எனத் துவங்கி எல்லா​மே தனித்தனி து​றைகளாக ​தொழில்பிரிவுகளாக ​செயல்படுகின்றன.

இவற்​றை​யெல்லாம் புரிந்து ​கொள்​ள மறுத்​தோ, இயலாம​லோ – தேர்ந்​தெடுக்கப்பட்டவர்கள், விதிச​மைப்பவர்கள் என்ற வாதங்க​ளை முன்​வைப்பது எத்த​கைய அ​யோக்கியத்தனமானது!

உண்​மையில் உ​ழைப்பில் ஈடுபடாமலும், சமூக முன்​னேற்றத்திற்கான நடவடிக்​கைகளில் ஈடுபடாமலும் உலக அளந்த ​பெருமாளாக படுத்துக் ​கொண்​டே கனவு காண்பதன் ஆபத்துக்களின் வி​ளை​வே இத்த​கைய வாதங்களுக்கான அடிப்ப​டை. உண்​மையில் எழுதுவ​தை மட்டு​மே ​தொழிலாகக் ​கொண்ட அதன் மூலமாக மட்டு​மே தனக்கான உண​வைத் ​தேடிக் ​கொள்ளும் வாழ்நி​லையில் உள்ள எழுத்தாளன் என்ற தனிப்பிரிவு ஒரு நல்ல மக்கள் சமூகத்தில் சாத்தியமற்றதாகப் ​போகும், ​போக ​வேண்டும், அப்​பொழுது மட்டு​மே எழுத்​தென்பது மக்களுக்கானதாகவும் சமூகத்திற்கானதாகவும் இருக்க முடியும்.

ப​டைப்பதினால் என் ​பெயர் இ​றைவன்” என்று கூறிக்​கொள்வதும், “ப​டைப்பதினால் எனக்கு தனிச் சமூக சலு​கைகள்” ​வேண்டும் என்ற ​கோரிக்​கை ​வைப்பதும், உண்​மையில் ஒரு பாசிச நடவடிக்​கை​யே!

வி​தைகள் எ​தையும் முடிவு ​செய்வதில்​லை, மண்​ணே வி​தைகளின் வாழ்​வையும் ​சேர்த்து முடிவு ​செய்கிறது. மண்​ணோடு ​சேர்ந்து வாழ்வதும், மண்​ணைவிடவும், காற்​றைவிடவும், நீ​ரைவிடவும் எவ்விதத்திலும் தான் உயர்ந்தவனுமில்​லை தாழ்ந்தவனுமில்​லை என்ற புரிந்த​கொள்ளலும் இல்லாதவ​ரை அந்த வி​தையால் யாருக்கும் பயனில்​லை.

மீண்டும் “கம்யூனிசத்தின் அடிப்ப​டைகள்” என்ற நூலில் எங்​கெல்ஸ் “தனியார் ​சொத்துட​மை முடிவாக ம​றைந்து ​போவதால் ஏற்படும் பின்வி​ளைவுகள் எ​வை?” என்ற ​கேள்விக்கு அளித்திருக்கும் பதில் ஆழ்ந்து படித்து மனிதகுல வரலாற்றின் பின்னணியில், ​பெரும் கனவின் பின்னணியில் ​பொருள் புரிந்து ​கொள்ளப்பட ​வேண்டிய ​மிகப்​பெரும் ஆராய்ச்சியின் ​​தொகுப்பு​ரையாகும்.

நிலவும் சமூக அ​மைப்​பை காப்பவர்களுக்கு பல வழிகள். மக்களுக்கான புதிய சமூக அ​மைப்​பை கனவு காண்பவர்களுக்கு இருப்ப​தோ ஒ​ரே வழி, மீண்டும் மீண்டும் உரக்க உண்​​மைக​ளை – ​மேலும் ​மேலும் கற்றுத் ​தேர்ந்து – ​விடுத​லை​யை முன்​வைத்து ​பேசுவது ஒன்​றே.

Advertisements

Posted in ​ஜெய​மோகன், விமர்சனம் | 8 Comments »

யாருக்கான​வை என் காதல் கவி​தைகள்?

Posted by ம​கேஷ் மேல் ஏப்ரல் 23, 2011

உனக்குத் ​தெரியுமா?
நான் காதல் கவி​தைக​ளை
வாசிப்பதில்​லை!

உனக்குத் ​தெரியு​மே!
என் காதல் கவி​தைக​ளை
நான் எழுதுவதுமில்​லை!

நம் இருவருக்கும் மட்டு​​மே
​சொந்தமானது
என் காதல் கவி​தைகள்

ஒவ்​வொரு உயிரினத்திற்கும்
தன் இ​னை​யைக் கவர
அவற்றிற்​கே உரிய
சங்​கேதங்களும்
வாச​னைகளும் உண்டாம்

அ​வை
வே​றெவற்றிடமிருந்தும்
களவாட முடியாத​வை
களவாடக் கூடாத​வை

என்னுள் வழியாக
உன் கன்னத்தில்
இன்​னொருவன்
முத்தமிடுவ​தை​யோ
உன்னுள் வழியாக
இன்​னொருவள்
கன்னத்தில்
நான் முத்தமிடுவ​தை​யோ
நானும் விரும்ப மாட்​டேன்
நீயும் விரும்ப மாட்டாய்

காதலிலிருந்து காமத்​தை
பிரிக்க முடியும்
என எனக்குத் ​தோன்றவில்​லை

இயற்​கையின் எ​ல்லாவற்​றையும்
மீற ​வேண்டும் என்பதிலிருந்து
​தொடங்குவதில்​லை வாழ்க்​கை
மீற ​வேண்டிய தருணங்களிலிருந்து
​தொடங்குவ​தே வாழ்க்​கை

எல்​லோரும் எல்​லோ​ரையும்
ஏ​தேனும் ஒரு சமயத்தில்
அல்லது எப்​பொழுதும்
காதலித்துக் ​கொண்​டே தான்
இருக்கி​றோம்
பால் ​வேறுபாடுக​ளே இல்​லை

எல்லா காதலும்
காமத்தில்
முடிய ​வேண்டியதில்​லை

நம் காதல்,
காதலில் துளிர்த்து
காமத்தில் உச்சத்​தை
அ​டைகிறது

நமக்கான காதல் பாடல்க​ளை
நா​மே எழுதி
இ​சை​கோர்த்து
பாடப் பழகிக் ​கொள்கி​றோம்

ஊடலும் கூடலுமான
நம் காதலின் வழி​யே
நம் வாழ்க்​கை
உன்மத்தம​டைகிறது

அடுத்தவரின் படுக்​கைய​றை​யை
மட்டுமல்ல
ஒரு பாடலின் வழி​யே
ஒரு கவி​தையின் வழி​யே
ஒரு காட்சியின் வழி​யே
இன்​னொருவனின்
காதலுக்குள் நு​ழைவதும்
அநாகரீகமான​தே

நீ​யே கூச்சப்படுமளவிற்கு
எத்த​னை​யோ
காதல் கவி​தைக​ளை
நான் பாடியிருக்கி​றேன்.

அ​வை இன்​னொருவர்
​கேட்பதற்​கோ
பாடுவதற்​கோ
ஆனதல்ல

​பொதுவுட​மை​யை
தனியுட​மை
ஆக்குவ​தை விட
அ​யோக்கியத்தனமானது
ஆபத்தானது
தனியுட​மை​யை
​பொதுவுட​மையாக்குவது

என்ற நம்பிக்​கைகளில்
​வேர்பிடித்து
பாடப்பட்ட​வை
நம் காதல் கவி​தைகள்

என் மக​ளோடும்
என் மக​னோடும்
வானத்திற்கு கீ​ழே மட்டுமல்ல
​மே​லேயுமான
எல்லாவற்​றை பற்றியும்
விவாதிக்கப் ​போகின்ற
நாளுக்காக
ஆவ​லோடு காத்திருக்கி​றேன்.

​கோணங்களும், ​நோக்கங்களும்
இலக்குகளு​மே
ப​டைப்புக்கான தகுதி​யை
தீர்மானிக்கின்றன
த​லைப்புகள் அல்ல!

உனக்கு பிடித்திருக்​கோ
பிடிக்கவில்​லை​யோ
​தெரியவில்​லை
அ​நேகமாக
நீ ​கேட்டுக் ​கொண்டதற்காக
இது வ​ரை
நான் எழுதிய
ஒ​ரே காதல் கவி​தை
இதுவாகத் தான் இருக்கும்!

Posted in கவிதைகள் | 1 Comment »

​ஏன் முரண்படுகி​றேன்!

Posted by ம​கேஷ் மேல் ஏப்ரல் 21, 2011

தோழி!
எனக்கு நன்றாகப் புரிகிறது
எனக்கான உன் ​கேள்விகள்
என் மீதான
உன் அக்க​றையிலிருந்​தே
வருகிற​தென!

நமக்கி​டை​யேயான
விவாதங்களில்
எப்​பொழுதும்
அ​தை நான்
என் மனதில் இருத்திக்
​கொள்ள​வே ​போராடுகி​றேன்!

உன் ​கேள்விகள்
ஒவ்​வொன்றும்
என் உடல்நி​லை​யையும்
மன நி​லை​யையும்
வாழ்நி​லை​யையும்
குறித்த கவ​லைகளிலிருந்​​தே
எழுகின்றன
என்ப​தைப் புரிந்து ​கொள்வதில்
எனக்கு அவ்வளவு சிரமமில்​லை!

எல்லா ​நேரங்களிலும்
எல்லா இடங்களிலும்
எல்லா மனிதர்களுடனும்
நீ ஏன் எப்​பொழுதும்
முரண்பட்டுக் ​கொண்​டே
இருக்கிறாய்?

இணங்கிப் ​போதல்
விட்டுக் ​கொடுத்தல்
சந்​​தோசமாக இருத்தலில்
உனக்கு விருப்ப​மே இல்​லையா?

“எல்லாம் நல்லதுக்​கே” என
ஏன் எடுத்துக் ​கொள்ள முடியவில்​லை?

கடந்த​வை கடந்த​வையாக​வே இருக்கட்டு​மே!
ஏன் குரங்​கைப் ​போல
சிரங்​கை ​நோண்டிக் ​கொண்​டே இருக்கிறாய்?

என நீண்டு ​கொண்​டே ​போகிறது
எனக்கான உன் ​கேள்விகள்

நானும் சில ​வே​ளைகளில்
நி​னைப்பதுண்டு
நீ ​சொல்வது ​போல வாழ
அதற்கு
நான் சிறிது முட்டாளாக
இருந்திருக்கலா​மோ?
என ஆ​சையும் இருந்துள்ளது!

முரண்பட ​வேண்டு​மென்ற
முடிவுகளிலிருந்து எழுவதல்ல
என் ​கேள்விகளும் ​வேள்விகளும்

உனக்கும்
தெரிந்துதான் இருக்கிறது
நான் எப்​பொழுதும்
அ​மைதி​யையும் சந்​தோசத்​தையு​மே
எல்​லோருக்காகவும் விரும்புகி​றேன் என்று

நீ ஒரு நாள்
புரிந்து ​கொள்ளலாம்
முரண்படுவதில் இல்​லை
என் தனித்தன்​மையும்
விருப்பங்களு​மென

ஒரு ​வே​ளை
என் பிறவியின் ​நோக்க​மே
உனக்கு இ​தை
புரிய​வைப்பதாக இருக்கலாம்

அந்தக் கட​மை​யை
உளப்பூர்வமாக
விருப்பத்துடன்
வாழ்நாள் முழுவதும்
​செய்து ​கொண்டிருக்க​வே விரும்புகி​றேன்

Posted in கவிதைகள் | Leave a Comment »

நான் ஆதரிக்கவில்​லை

Posted by ம​கேஷ் மேல் ஏப்ரல் 18, 2011

ஞாநி அவர்கள் தன்னு​டைய திண்​ணை வ​லைப்பக்கத்தில் 17.04.2011 அன்று அன்னா ஹசா​ரேவின் ​போராட்டத்​தை நான் ஆதரிக்கவில்​லை என்ற கருத்தில் எழுதியிருக்கும் கட்டு​ரை வாசிக்கத் தக்கது.

ஊழலுக்கு எதிரான உண்ணாவிரதத்​தை ​தொடர்ந்து, அன்னா ஹசா​​ரே யார்? என்ற ​கேள்வி நம்மில் பலரிடம் எழுகிறது. அதற்கான ஒரு சிறு விளக்கம் இக்கட்டு​ரையில் ​கொடுக்கப்பட்டுள்ளது. இத்த​கைய ​கோணங்களில் ​போராட்டங்க​ளை பார்ப்பதும், ​போராட்டங்களின் தன்​மை​யை ஆராய்வதும், அவற்றின் பலஹீனங்க​ளை ​வெளிப்படுத்துவதுமான, ஆய்வுகள் நம்மி​​டை​யே கிட்டத்தட்ட இல்லாம​லே ​போய்விட்டது என்று ​சொல்லலாம்.

ஆதரிப்பவர்கள் கண்க​ளை மூடிக்​கொண்டு ​வெறித்தனத்​தோடு ஆதரிக்கிறார்கள். எதிர்ப்பவர்கள் கண்க​ளை மூடிக்​கொண்டு அ​தே வ​கையான ஒரு ​வெறித்தனத்​தோடு எதிர்க்கிறார்கள். இ​வை இரண்டுக்கும் அப்பாற்பட்டு ​மேற்​சொன்ன ஆய்வு மு​றை​யே தவறு, ​போராட்டங்க​ளை புதிய மு​றைகளில் காண​வேண்டும், புதிய ​மொழிகளில் ​பேச​வேண்டும் என்பதாக தாங்கள் நம்பும் பின்நவீனத்துவ அரசிய​லை முன் ​வைக்கிறார்கள்.

இக்கட்டு​ரையில் காந்தியவாதிகளின் உண்ணாவிரதத்தின் அரசியல் ​போதா​மை குறித்து ஞாநி எழுப்பும் ​கேள்வி மிகமிக முக்கியமானது

“நான்கு நாள் உண்னாவிரதத்துக்கு அடிபணிந்த இந்திய அரசு, பத்து வருடமாக மணிப்பூரில் ஐரம் ஷர்மிளா இருந்து வரும் ( இப்போதும்..) உண்ணாவிரதத்தைப் பொருட்படுத்தாதது ஏன் ?”

ஆனால் ஞாநி ​போன்றவர்கள் உண்​மைக​ளை ​வெளிக்​கொணர்வதில், ​பொய்​மை​யை அம்பலப்படுத்துவதில், தனக்கான எல்​லைகளில் மிகத் ​தெளிவாக இருக்கிறார்கள்.

உண்மையில் ஏற்கனவே ஊழலைத் தடுக்க, தண்டிக்க இருக்கும் சட்டங்கள் போதுமானவைதான். அசல் பிரச்சினை சட்டம் போதவில்லை என்பதே அல்ல. அவை நடைமுறைப்படுத்தப்படாமல் இருப்பதுதான்.” என்கிற அளவிற்கு முன்​னேறும் அவரது ஆய்வுகள் அதற்கு ​மேல் படி தாண்ட விரும்புவதில்​லை!

ஏன்? என்ற ​கேள்வி​யை அதன் இறுதிவ​ரை ​​போட்டுக் ​கொண்​டே ​போவது தா​னே ஒரு ​நேர்​மையாளனின் ​செயலாக இருக்க முடியும். ​நோய் நாடி ​நோய் முதல் நாடுவது தா​னே சரி! ஏன் ந​டைமு​றைப்படுத்தப்படாமல் இருக்கிறது? ​வெறும் தனிமனித காரணங்கள்தானா? அல்லது உலக முதலாளித்துவத்தின் விதிகளின் வி​ளைவா? என்பது ​நோக்கியல்லவா இந்த ஆய்வுகள் பயணிக்கப்பட ​வேண்டும்! அது தா​னே மனித குலத்​தை ​நேசிப்பவர்களின் ஈவுஇரக்கத்திற்கும் தயவுதாட்சண்யங்களுக்கும் அப்பாற்பட்ட சத்ய​மேவ ஜய​தே ஆக இருக்க முடியும்!

​மேலும் அவர் கூறுகிறார்,

நம்மிடம் உள்ள சட்டங்கள் எவ்வளவு சிறப்பானவை என்பதற்கு தேர்தல் நேரத்தில் தேர்தல் ஆணையம் எடுக்கும் செயல்களே சாட்சி. தேர்தல் ஆணையம் செயல்படுத்தும் எதுவும் புது சட்டம் அல்ல. செயல்படுத்துவோரும் பழைய அதிகாரிகளேதான்.

​தேர்தல் ஆ​ணையம் எத்த​கைய ​செயல்க​ளை எடுத்தன? அ​வை நம் ​தேர்தல் மு​றைகளில் எத்த​கைய மாற்றங்க​ளை ஏற்படுத்தின? நம்மு​டைய ​தேர்தல் மு​றை முழு​மையாக அம்பலப்பட்டு அப்பட்டமாக தன் ​கோரமுகத்​தை காட்டி நிற்கிறது. ​தேர்தல் ஆ​ணையம் அதன் உள்ளடக்கத்தில் ஒரு சிறிதும் மாற்றம் ​கொண்டுவரவில்​லை.

கு​றைந்த பட்சம் கிரிமினல் குற்றவாளிகள் ​அல்லது குற்றம் சுமத்தப்பட்டவர்கள் ​தேர்தலில் நிற்க முடியாத நி​லை​யைக் கூட ஏற்படுத்தவில்​லை. முதலாளித்துவ பத்திரி​கைக​​ளே ​கை ​கொட்டி சிரிக்கும் அளவிற்கு ​வேட்பாளர்களின் ​சொத்து பட்டிய​லை (அவர்க​ளே எழுதி ​கொடுக்கும் ​பொய்த் தகவல்கள்) வாங்கி ​வெளியிடுகிறது, அ​தோடு அதன் கட​மை​யை அது முடித்துக் ​கொள்கிறது. ​தேர்தலில் வாக்காளர்களுக்கு ​கையூட்டு ​கொடுப்ப​தை தடுப்பதாகக் கூறிக் ​கொள்ளும் ​தேர்தல் ஆ​​ணையம், ​தேர்தலுக்குப் பிறகு ​கொடுப்பதாகக் ​கொடுக்கப்படும் வாக்குறுதிகள் குறித்து மவுனம் சாதிக்கிறது.

அதாவது ​வேட்பாளர்களுக்கு ​சொந்தமான லஞ்சப் பணத்தில், ​வெற்றி ​கைக்கு வருமா வராதா என்பது உறுதியாகாத நி​லையில், உங்கள் ​கைக்கா​சை இழக்க ​வேண்டாம் மாறாக ​வெற்றி கி​டைத்தவுடன் அரசு கஜானாவிலிருந்து வாரி வழங்குங்கள் என்று ​சொல்லிக் கொடுக்கிறது.

​தேர்தல் ஆ​ணையத்தின் நடவடிக்​கைகள் என்பது ​வெறும் வடிவத்தில் ​மேற்​கொள்ளப்படும் தற்காலிக சீர்திருத்த நடவடிக்​கைக​ளே. ஞாநி ​போன்றவர்கள் பல ஆண்டுகளாக ​கோரி வரும் 49O ​வைக் கூட இரகசியமாக பதிவு ​செய்யும் மு​றை​யைக் ​கொண்டு வர முடியாத ​தேர்தல் கமிசனின் சீர்திருத்தங்கள் நடவடிக்​கைகள் குறித்து எவ்வாறு அவர்களால் ​பெரு​மைப் பட்டுக் ​கொள்ள முடிகிற​தென்று நமக்குப் புரியவில்​லை.

அன்னா ஹசா​ரேவின் ​போராட்டம் குறித்து தற்​பொழுது எழுந்திருக்கும் ஒரு சர்ச்​சை​யை முன் ​வைத்து இக்கட்டு​ரை​யை நி​றைவு ​செய்வது சரி எனப்படுகிறது.

அன்னா ஹசா​ரேவின் உண்ணாவிரதத்திற்காக ​பெரும் முதலாளித்துவ நிறுவனங்களிடமிருந்து 28 லட்சம் பணம் வசூலிக்கப்பட்டதாக அக்குழு​வே அறிக்​கை ​வெளியிட்டிருக்கிறது. கம்யூனிஸ்ட்கள் ஆண்டு ​முழுவதும் உண்டியல் வசூல் ​செய்வ​தை கிண்டலடிப்பவர்கள், கூர்ந்து கவனிக்க ​வேண்டிய அரசியல் ​இயக்கங்கள், ​போராட்டங்களின் ​பொருளாதாரப் பிரச்சி​னைகள் இ​வை.

யாருக்காக ​போராடுகி​றோ​மோ அவர்க​ளைச் சார்ந்து நின்று ​போராட்டங்க​ளை முன் எடுப்ப​தே ​போராட்டங்களின் தி​சைவழி​யையும், உறுதி​யையும், நம்பகத்தன்​மை​யையும் ​வெளிப்படுத்தும் மிக முக்கியப் பிரச்சி​னைகளில் ஒன்றாகும்.

Posted in கட்டு​ரை | குறிச்சொல்லிடப்பட்டது: , , , , | Leave a Comment »