எனது நாட்குறிப்புகள்

அன்னா ஹசா​ரேவின் இரண்டாம் கட்ட ​போராட்டம் குறித்து ஒரு பார்​வை

Posted by ம​கேஷ் மேல் ஓகஸ்ட் 29, 2011

முதல்கட்ட ​போராட்டத்தின் வி​ளைவாக ​லோக்பால் ம​சோதா உருவாக்கும் குழுவில் அன்னா ஹசா​ரேவும் அவரது குழுவினரும் மத்திய அரசால் ​சேர்த்துக் ​கொள்ளப்பட்டனர். அந்த ம​சோதாவில் அன்னா ஹசா​ரே குழுவினர் முன்​வைத்த பல ஷரத்துக்கள் ​சேர்த்துக் ​கொள்ளப்படவில்​லை, குறிப்பாக

1. பிரதம​ரையும் ​லோக்பால் விசார​னை வரம்பிற்குள் ​கொண்டுவர​வேண்டும்
2. உச்சநீதிமன்ற நீதிபதிகள் நியமன விசயம்
3. ​லோக்பால் அ​மைப்பின் அதிகார வரம்பு
4. ​லோக்பால் அ​மைப்பில் சமூக ஆர்வலர்களின் பங்கு

​​போன்ற​வை. இ​வை குறித்து மத்திய அரசு உறுதியாக இருந்த​து.  அன்னா ஹசா​ரே குழுவினர் மத்திய அர​சை கடு​மையாக விமர்சித்தனர். மத்திய அ​மைச்சர்கள் அவர்களுக்கு எதிராக குற்றச்சாட்டுக்க​ளை சுமத்தத் ​தொடங்கினர். இவற்றின் வி​ளைவாக அன்னா ஹசா​ரே இரண்டாம் கட்டமாக தங்கள் ​கோரிக்​கைக​ளை வலியுறுத்தி ​டெல்லி ஜந்தர் மந்தரில் உண்ணாவிரதம் இருக்க முடிவு ​செய்தார். மத்திய அரசு அத​னை கடு​மையாக எதிர்த்தது, மிரட்டியது. திஹார் சி​றையில் அன்னா ஹசா​ரே​வை அ​டைக்கும் வ​ரை பிரச்சி​னை முற்றியது. இரு தரப்பினருக்கும் இ​டை​யே ஏற்பட்ட சமாதானத்தின் மூலமாக தில்லி ராம்லீலா ​மைதானத்தில் கிட்டத்தட்ட பத்துநாட்கள் தன் இரண்டாம் கட்ட உண்ணாவிரதத்​தை நடத்தி, இரண்டாம் கட்ட உண்ணாவிரதத்தின் ​போது முன்​வைத்த மூன்று ​கோரிக்​கைக​ளை

1. அ​னைத்து அரசு அலுவலகங்களிலும் மக்கள் சாசனம் ​வைக்க​வேண்டும்
2. க​டைமட்ட ஊழியர்வ​ரை ​லோக்பால் விசார​னை வரம்பிற்குள் ​கொண்டு வர ​வேண்டும்
3. ​அ​னைத்து மாநிலங்களிலும் ​லோக் ஆயுக்தா​வை ​கொண்டு வர ​​வேண்டும்

ஆகிய ​கோரிக்​கைக​ளை, மத்திய அர​சை அங்கீகரிக்க ​வைத்ததன் மூலம் தற்காலிகமாக உண்ணாவிரதத்​தை ​கைவிட்டிருப்பதாகவும், மீண்டும் ஊழல் உட்பட ​வேறு பல விசயங்கள், ​தேர்தல் சீர்திருத்தம், கல்வி பிரச்சி​னை ​போன்றவற்றிற்காக ​போராட்டங்கள் நடத்த இருப்பதாக பன்ச் ​வைத்தும், தனக்கு ஆதரவாக திரண்ட மக்க​ளை ​நோக்கி “நான் அன்னா” என்ற வாசகம் எழுதப்பட்ட குல்லாய் அணிவது மட்டும் ​போதாது. லஞ்சம் வாங்க மாட்​டேன் லஞ்சம் ​கொடுக்க மாட்​டேன் என்று உறுதி எடுத்துக் ​கொள்ள ​வேண்டும். ​நேர்​மை​யோடு வாழவும், ​தொடர்ந்து சமூக விழிப்புணர்​வோடு இருக்கவும் ​வேண்டும் எனக் ​கேட்டுக் ​கொண்டு முடித்துக் ​கொண்டுள்ளார்.

முதல் கட்டத்​தை விட இரண்டாம் கட்டத்தில் தன்னிச்​சையாக மக்களின் பங்​கேற்பும், மக்களின் ​செயல்பாடுகளும் அதிகப்பட்டிருந்த​தைக் காண முடிந்தது. ஆனால் அ​மைப்புரீதியாக மக்க​ளை அணிதிரட்டவும், அவர்களுக்கான எந்த அரசியல் பிரச்சார ​வே​லைக​ளை திட்டமிட்டுக் ​கொடுக்கவுமான எந்த முயற்சிக​ளும் ந​டை​பெறவில்​லை. அரசியல் கட்சிகள் அ​னைத்தும் ஆரம்பம் முதல் பாராமுகமாக இருந்துவிட்டு, இறுதி ​நேரத்தில் காங்கிரஸ் அந்த மூன்று ​கோரிக்​கைக​ளையும் ஏற்றுக் ​கொள்ளக்கூடிய வாய்ப்​பை ​தெரிந்து​கொண்ட பிறகு தாங்களும் இப்​போராட்டத்திற்கு ஆதரவாக ​செயல்படுவது ​போல பாசாங்கு ​செய்யத் துவங்கின.

அன்னா ஹசா​ரேவின் ​போராட்டம் குறித்து எழுப்பப்பட்ட பாதகமான குறிப்புகள்:

1. அரசியல் சாசனத்திற்கு வி​ரோதமானது
2. நாடாளுமன்ற ஜனநாயகமு​​றைக்கு வி​ரோதமானது
3. மிரட்டல் அரசியல் (Blackmail politics)
4. ஊழலின் ஊற்றுக்கண் குறித்த சரியான பார்​வையில்​லை
5. உலகமயமாக்கல் தனியார்மயமாக்கலுக்கும் ஊழலுக்குமான புரிதல் இல்​லை அல்லது மறுக்கப்படுகிறது.
6. பி.​ஜே.பி மற்றும் சங்பரிவார் ​போன்ற வலதுசாரிகளின் பின்னணி
7. தலித்கள், சிறுபான்​மையினர் ​போன்ற ஒடுக்கப்பட்ட பிரிவினர் அணிதிரட்டப்படவில்​லை அல்லது அணி திரளவில்​லை
8. வந்​தே மாதரம் மற்றும் பாரத்மாதாகி ​ஜெய் ​போன்ற வலதுசாரி ​கோஷங்கள் ​வைக்கப்படுகின்றன
9. டாடா, அம்பானி ​போன்ற ​பெருமுதலாளிகளால் ஊக்குவிக்கவும் தூண்டிவிடவும் படுகிறது.
10. ​டைம்ஸ் ​நெள ​போன்ற பல சக்திவாய்ந்த ​தொ​லைக்காட்சிகளால் மிகுந்த முக்கியத்துவ படுத்தப்படுகின்றன.
11. ஜன்​லோக்பாலின் பல ​கோரிக்​கைகள் ந​டைமு​றைசாத்தியமற்றனவாகவும் இந்திய அரசியல் சட்டத்திற்கு வி​ரோதமாகவும் உள்ளன.
12. காங்கிர​​சே தன் ​சொந்த நலன்களுக்காக தூண்டிவிடுகிற​தோ என்ற சந்​தேகம் உள்ளது.
13. அ​மெரிக்காவின் ஆதரவு இருக்கு​மோ என்ற சந்​தேகம் உள்ளது.
14. சர்வாதிகாரத்தன்​மை ​கொண்டதாக உள்ளது.
15. வலி​மையான அ​மைப்பு வடிவம் இல்​லை.
16. மக்கள் ​வெறும் பார்​வையாளர்களாக ​வைக்கப்பட்டுள்ளனர்.

​மேலும் பல இருக்கலாம். நான் வாத நியாயம், விவாதத் தகுதி, அரசியல் முக்கியத்துவம் உள்ள வாதங்க​ளை மட்டு​மே ​தொகுத்துக்​கொள்ள விரும்புகி​றேன். இத்த​கையவற்​றை ​தொகுத்துக்​கொள்வதும், இவற்றின் சரிதவறுக​ளையும், உண்​மைக​ளையும் ஆராய்ந்து கற்றுக் ​கொள்வதும் இன்றிய​மையான​வையாக இருக்கும் என்று நம்புகி​றேன்.

Advertisements

ஒரு பதில் to “அன்னா ஹசா​ரேவின் இரண்டாம் கட்ட ​போராட்டம் குறித்து ஒரு பார்​வை”

  1. அண்ணா அசாரே: உண்ணாவிரதத் திடலை குப்பை மேடாக்கிய கூட்டம் நாட்டை சுத்தப்படுத்தப் போகிறதாம்.

    http://arulgreen.blogspot.com/2011/08/blog-post_28.html

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

 
%d bloggers like this: