எனது நாட்குறிப்புகள்

“மார்க்சின் மூலதனம் வாசிப்பிற்கு ஒரு திறவு​கோல்” நூல் ​வெளியீட்டு விழா

Posted by ம​கேஷ் மேல் ஜனவரி 8, 2014

திங்கள்கிழ​மை (06.01.2014) மா​லை பிராட்​வே பீச் ​ரோடில் உள்ள AK நாயக் பவனில் ​தோழர் த. ஜீவானந்தம் எழுதி ​வெளிவந்துள்ள “மார்க்சின் மூலதனம் வாசிப்பிற்கு ஒரு திறவு​கோல்” நூல் ​வெளியீட்டு விழா சிறப்பாக ந​டை​பெற்றது.

இந்திய கம்யூனிஸ்ட் கட்சியின் தமிழ் மாநிலத் து​ணைச்​செயலாளர் ​தோழர் சி.ம​கேந்திரன் நூ​லை ​வெளியிட்டார். சிஐடியுவின் தமிழ் மாநிலத் து​ணைத்த​லைவர் ​தோழர் M. சந்திரன் நூ​லைப் ​பெற்றுக் ​கொண்டார். முன்னதாக ​தோழர் விபிஷணன் (த.மு.எ.க.ச ​செயலாளர், ​போக்குவரத்து அரங்கம், வட​சென்​னை) ​வெளியீட்டு விழாவிற்கு த​லை​மை தாங்கினார்.

வர​வேற்பு​ரை ஆற்றிய ​தோழர். கிருஷ்ணன் (மூலதனம் வாசிப்பு மன்றம்) நூலின் சமகாலத் ​தே​வை​யையும் நூல் உருவான விதம் குறித்தும் விளக்கி வர​வேற்பு​ரை ஆற்றினார். முதலாளித்துவ ​பொருளாதாரம் ​தொடர்ச்சியாக மிகப்​பெரும் ​நெருக்கடியில் சிக்கிக் ​கொள்வதும் அதற்கான தற்காலிகத் தீர்வுக​ளை அந்தந்த காலகட்டத்தில் ​வெளிவரும் மிகப்​பெரிய முதலாளித்துவ ​பொருளாதார அறிஞர்கள் முன்​வைப்பதும், அத்தீர்வுக​ளைத் ​தொடர்ந்து மார்க்சியம் ​தோற்றுவிட்டது முதலாளித்துவம் ​வென்றுவிட்டது என முதலாளித்துவம் ​பெரும் கூச்சலிடுவதும் வாடிக்​கையாக நிகழ்ந்து ​கொண்டிருக்கிறது. ஒவ்​வொரு தற்காலிகத் தீர்வின் ​போதும் மார்க்​சை மீண்டும் அவரு​டைய கல்ல​றையில் பு​தைத்துவிட்டதாக முதலாளித்துவ உலகம் கூக்குரலிடுவதும். ​வெகுசீக்கரத்தி​லே​யே அவர்களின் சாயம் ​வெளுத்து, மீண்டும் அ​தைவிட ​மோசமான ​பொருளாதார ​நெருக்கடி சுழல் ஏற்படுவதும், மீண்டும் மார்க்ஸ் உயிர்த்​தெழுவதும் ​தொடர்க​தையாக உள்ளது. முதலாளித்துவ ​பொருளாதார அ​மைப்பு இறுதியாக அழித்​​தொழிக்கப்படும் வ​ரை மார்க்சிற்கு மரணமில்​லை என்று கூறினார். ​மேலும் இந்த “மார்க்சின் மூலதனம் வாசிப்பிற்கு ஒரு திறவு​கோல்” நூல் மூலதன வாசிப்பு மன்றம் சார்பாக கடந்த 30-09-2012 துவங்கி இரண்டு வாரத்திற்கு ஒரு வகுப்பு வீதம் 10-03-2013 வ​ரை ​​தொடர்ச்சியாக நடத்தப்பட்ட மூலதன முதல் பாகம் ​தொடர்வகுப்புகளுக்காக த.ஜீவானந்தத்தால் எடுக்கப்பட்ட குறிப்புக​ளையும், வகுப்பு எடுத்ததால் ​பெறப்பட்ட அனுபவங்க​ளையும் ​செழு​மைப்படுத்தி ​கொண்டு வரப்பட்ட நூல் என்கிற அதன் முக்கியத்துவத்​தையும் குறிப்பிட்டுப் ​பேசினார்.

​தோழர். சி. ம​கேந்திரன் தன் சிறப்பு​ரையில் மார்க்சியம் மூடுண்ட, விவாதங்க​ளை​யோ, விமர்சனங்க​ளை​யோ, வளர்ச்சி​யை​யோ மறுத்த தத்துவமல்ல. அது கணந்​தோறும் ஏற்பட்டுக்​கொண்டிருக்கிற மாற்றங்களுக்​கேற்ப வளர்ச்சிய​டையும் விஞ்ஞானத் தத்துவம் என்ப​தை தன் உ​ரையின் ​அடிநாதமாக முன்​வைத்துப் ​பேசினார். 19ம் நூற்றாண்டின் முதலாளித்துவ வளர்ச்சி மற்றும் சூழ​லை ஆய்வு ​செய்து காரல் மார்க்ஸ் மார்க்சியத்​தை உருவாக்கினார். 20ம் நூற்றாண்டின் குறிப்பான சூழலில் ​லெனின் அத்தத்துவத்​தை வளர்த்தார். இன்​றைக்கு 21ம் நூற்றாண்டு அதற்​கேற்ப இன்​றைய முதலாளித்துவத்தின் வளர்ச்சி​யை புரிந்து ​கொள்ளவும் மாற்றங்க​ளை உருவாக்கவும் ​தே​வையான அடிப்ப​டையில் மார்க்சியத்​தை புரிந்து ​கொள்ளவும் வளர்க்கவும் ​வேண்டு​மென வலியுறுத்தினார். கியூபாவின் பிடல் காஸ்ட்​ரோ ஒரு ​லெனினியவாதி, ​வெனிசுலாவின் ம​றைந்த முன்னாள் அதிபர் யூ​கோ சா​வேஸ் ஒரு டிராட்ஸ்கியவாதி. பிடல் காஸ்ட்​ரோ யூ​கோ சா​வே​சை தன்னு​டைய அரசியல் வாரிசு என அறிவித்தார் என்ப​தை நாம் நி​னைவில் ​கொள்ள ​வேண்டும் எனக் குறிப்பிட்டார். ஆலன் வுட் ​போன்றவர்கள் நம் சமகாலத்தில் மார்க்சியத்திற்கு அரிய பங்களிப்புக​ளை வழங்கிக் ​கொண்டிருக்கிறார்கள் என்ப​தை ​தெரிந்து ​கொள்ள ​வேண்டும் எனக் குறிப்பிட்டார்.

​தோழர் சந்திரன் தன்னு​டைய உ​ரையில் ​தொழலாளர்களுக்கு இத்தத்துவத்​தை புரிந்து ​கொள்ள ​வேண்டியதன் அவசியத்​தையும், அதற்கு இது ​போன்ற நூல்களின் ​தே​வை மற்றும் முக்கியத்துவத்​தையும் வலியுறுத்தி ​பேசினார். ​​வெளியீட்டுவிழாவில் நூ​லைப் ​பெற்றுக் ​கொள்ள தனக்கு ​கொடுத்த வாய்ப்பிற்காக நன்றி ​தெரிவித்தார். அவர் தன்னு​டைய உ​ரையில் மார்க்சிய மூலநூல்க​ளை நாம் கற்பதற்கு மாஸ்​கோவின் முன்​னேற்றப் பதிப்பகம் ​போன்ற​வை ஆற்றிய முக்கிய பங்களிப்புக​ளை நி​னைவில் ​​கொள்ள ​வேண்டும் எனக் குறிப்பிட்டார். அ​தே ​வே​ளையில் அதன் ​மொழிந​டை வாசிப்பதற்கு மிகுந்த சிரமம் ஏற்படுத்துவதாக இருந்த​தையும் நம்மால் மறுக்க முடியாது. அதன் ​​மொழிந​டை இப்​பொழுது ​வெளியிடப்பட்டிருக்கும் ஜீவானந்தத்தின் ​மொழிந​டை ​போல எளி​மையானதாக வாசகனுக்கு எளிதாக புரிய​வைப்பதாக இல்​லை என்ப​தைக் குறிப்பிட்டார். தான் மாஸ்​கோவிற்கு ​சென்ற ​பொழுது அந்த பிரம்மாண்ட பதிப்பகங்க​ளை ​சென்று பார்த்த​தைக் குறிப்பிட்டார்.

நூ​லைத் திறனாய்வு ​செய்து ​பேசுவதற்காக அ​ழைக்கப்பட்டிருந்த ​தோழர் சிகரம் ​​செந்தில்நாதன். நூ​லைக் குறித்து விரிவாக அறிமுகம் ​​செய்து ​பேசினார். நூல் எளிய ந​டையில், அன்றாட உதாரணங்க​ளோடு மார்க்சிய அரசியல் ​பொருளாதாரத்தின் பல்​வேறு சிக்கலான பாடங்க​ளை எளி​மையாக அ​னைவரும் புரிந்து ​கொள்ளும் வண்ணம் விளக்குவ​தை நூலின் பல பகுதிகளிலிருந்து உதாரணங்கள் கூறி விளக்கினார். “சரக்கின் மாய்மாலம்” ​போன்ற மிகச் சிக்கலானதும் முக்கியமானதுமான மார்க்சின் ​சொற்​றொடர்க​ளை விளக்குவதற்கு ஆசிரியர் எடுத்துக் ​கொண்ட முயற்சிக​ளை ​வெகுவாகப் பாராட்டினார். இலக்கியம் படிப்பது ​போல எளி​மையான விசயமல்ல ​பொருளாதாரம் படிப்பது, மார்க்ஸ் குறிப்பிட்ட​தைப் ​போல சலிப்ப​டையாது விடாமுயற்சி​யோடு படிப்பவர்கள் மட்டு​மே அதன் ஒளிரும் சிகரங்க​ளைக் கண்ட​டைய முடியும் என்றார். எளி​மைப்படுத்தல் மற்றும் அதன் தரத்​தை விட்டு​கொடாதல் இரண்டும் தான் இந்நூலின் சிறப்பு என்ப​தை விளக்கினார். எளி​மையின் இன்​னொரு அம்சத்​தையும் புரிய​வைத்தார். படிக்க ​கேட்க எளி​மையாக இருக்கும் எல்லாவற்​​றையும் நாம் புரிந்து ​கொண்​டோம் என்று அர்த்தம் ஆகாது எனக் குறிப்பிட்டார். பாரதி படத்தில் பாரதி​யே பாடுவதாக வரும் “நிற்பது​வே நடப்பது​வே பறப்பன​​வே” என்ற பாடல், மிக எளி​மையானது ​போலத் ​தோன்றும். அப்படத்​தை எடுத்தவர்களுக்​கே அதன் இயக்குநர் தவிர ​வேறு யாருக்கும் அப்பாடலின் உண்​மையான ​பொருள் ​தெரியுமா என்றால் ​தெரியாது என்பதாகத்தான இருக்கும். அப்பாடல் சங்கரரின் அத்​வைதத்​தை மறுக்கும் பாடல் என்பது எத்த​னை ​பேருக்குத் ​தெரியும் என்றார்.

நூலிற்கு அணிந்து​ரை வழங்கியிருந்த முன்னாள் தீக்கதிர் ஆசிரியர் ​தோழர் மீனாட்சி சுந்தரத்தின் உ​ரை அ​னைவ​ரையும் உற்சாகமூட்டுவதாகவும் சிந்திக்கத்தூண்டுவதாகவும் அ​மைந்திருந்தது. மூலதனத்தில் மார்க்ஸ் நடத்திய மிகப் ​பெரிய ஆய்வின் முழுப் பரிமாணத்​தை வாசகர்கள் உணர்ந்து ​கொள்ளும் வ​கையில் பல்​வேறு உதாரண’ங்க​ளைக் குறிப்பிட்டார். உ​ழைப்புதான் ​செல்வத்​தை ப​டைக்கிறது என்ப​தை மார்க்சிற்கு முன்​பே பலரும் குறிப்பிட்டுவிட்டனர், மார்க்சின் முக்கியத்துவம் என்பது “சமூக ரீதியில் அவசியமான உ​ழைப்பு ​நேரம்” என்ப​தை கண்டுபிடித்து விளக்கியது ​போன்ற பல்​வேறு அம்சங்க​ளைக் குறிப்பிட்டுப் ​பேசினார். முதலாளித்துவ ​பொருளாதாரம் என்பது ​செல்வத்​தை குவிப்ப​தை ​நோக்கமாகக் ​கொண்டது கம்யூனிச ​பொருளாதாரம் என்பது உற்பத்தி, விநி​யோகம், பரிவர்த்த​னை, மற்றும் நுகர்வு என்னும் நான்கு அ​மைசங்களுக்கு இ​டை​யே ஒழுங்​கையும், சமத்துவத்​தையும், ​உறுதிப்படுத்தி நிர்வகிப்பது என மிக அழகாக இரண்டிற்குமான அடிப்ப​டை வித்தியாசத்​தை விளக்கினார்.

இறுதியாக ஏற்பு​ரை வழங்கிய ​தோழர். த. ஜீவானந்தம், மார்க்சியத்தின் மூன்று அடிப்ப​டை அம்சங்களாக தத்துவம், அரசியல் ​பொருளாதாரம், விஞ்ஞானக் கம்யூனிசம் ஆகியவற்றில் அரசியல் ​பொருளாதாரம் தான் மிக அடிப்ப​டையானது என்றார். இயற்​கையின் அடிப்ப​டை விதிக​ளை சமூகத்திற்கும் ​பொருத்தி சமூகத்தின் வளர்ச்சியில் ​செயல்படும் சமூகத்திற்கான பிரத்தி​யேக விதிக​​ளை ஆய்ந்து ​வெளிப்படுத்தியதுதான் மார்க்சியத்தின் சிறப்பு என வலியுறுத்தினார். தன் குடும்பப் பின்னணியும், தன் ​தொழிற்ச்சங்க அரசியல் பின்னணியும் எவ்வாறு தான் மார்க்சியத்​தை கற்றுக் ​கொள்வதில் முக்கிய பங்காற்றின என விரித்து​ரைத்தார். ​குடும்பம் குடும்பமாக ஈடுபடும் ​நெசவுத்​தொழில் சார்ந்த குடும்பப் பின்னணியிலிருந்து வந்த தான். ​கை​நெசவின் அழி​வோடும் இயந்திர ​நெசவின் வளர்ச்சி​யோடும் எவ்வாறு நகர்ப்புறங்களுக்கு தூக்கி வீசப்பட்​டோம். இங்​கே ​பிஎஸ்என்எல் ​போன்ற அரசின் து​றையில் ​தொழிற்சங்க எவ்வாறு அரசியல் கல்விக்கான பள்ளியாக இருந்து தங்க​ளை வளர்த்தது என்ப​தை விளக்கினார். ​தொழிற்ச்சங்க நடவடிக்​கைகள் தாண்டி ​​தொழிலாளர்களுக்கு அரசியல் ​வேண்டும் என நாங்கள் ​போராடி​னோம். நீண்ட காலத்திற்கு பிறகு எங்க​ளோடு அரசியல் ​வேண்டும் எனப் ​போராடியவர்கள்தான் இங்கும் வந்திருக்கிறார்கள். ​வேண்டாம் எனக் கூறியவர்க​ளைக் காணவில்​லை என்றார்.

இந்நூல் ​வெளிவருவதற்கு காரணமாக இருந்த மூலதன வாசிப்பு மன்ற ​தோழர்களுக்கும், இந்நூ​லை அவர் எழுத எழுத உடனிருந்து உடனடியாக கனிணியில் தட்டச்சு ​செய்து உதவிய அவரு​டைய து​ணைவியாருக்கும், அவருடன் உடன் பணியாற்றிய பிஎஸ்என்எல் சகஊழியர்களுக்கும், ​தொழிற்சங்க ​தோழர்களுக்கும் நன்றி ​தெரிவித்தார்.

ரூபாய் 100 என வி​லை நிர்ணயிக்கப்பட்டிருந்த இந்நூல், ​வெளியீட்டு விழா​வை முன்னிட்டு 30 சதவீதக் கழிவில் ரூபாய் 70ற்கு அரங்கில் விற்ப​னை ​செய்யப்பட்டிருந்தது. கூட்டத்திற்கு வந்திருந்த அ​னைவரும் நூ​லை வாங்கிச் ​சென்றது நிகழ்ச்சியின் முக்கிய அம்சமாக திகழ்ந்தது. கூட்டத்தில் ​பேசியவர்களும் கலந்து ​​கொண்டவர்களும் தாங்கள் சார்ந்த அ​மைப்புகளில் நூ​லை அ​னைவருக்கும் அறிமுகப்படுத்தி வாங்கிப் படிக்க ஏற்பாடு ​செய்வதாக தாங்களாக​வே முன்வந்து குறிப்பிட்டது, விழா ​வெற்றிகரமாக ந​டை​பெற்றதற்கான உதாரணமாக​வே இருந்தது.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

 
%d bloggers like this: