எனது நாட்குறிப்புகள்

இறப்பவனுக்கும் ஆதார்

Posted by ம​கேஷ் மேல் ஓகஸ்ட் 13, 2017

அரசவையிலிருந்து
ரகசிய அரசவைக் கவிஞருக்கு
அனுப்பப்பட்ட பதில் மடல்.

நல்லது கவிஞரே
காரியத்தை சிறப்பாகச் செய்தீர்கள்
அரசரின் மனம் குளிர்ந்தது.

ஒரு வருத்தம்
இந்த நாடு முழுவதற்கும்
ஒரே மொழி இல்லாததுதான்
அல்லது
நீங்கள்
நமது தேசிய மொழியில்
எழுத முடியாததுதான்.

ஆதார் கேட்பது
இறப்பவனுக்கல்ல
அவனுடைய
இறப்புச் சான்றிதழ் கேட்பவனுக்குத்தான்

நமது போராட்டம்
இறக்கப் போகிறவனோடு அல்ல
வாழப் போகிறேன் என்ற
வைராக்கியத்தோடு
நம் முன் தலை நிமிர்பவனோடுதான்
என்பதை
கூட்டத்தின் கவனத்திலிருந்து
அற்புதமாக மறைத்து விட்டீர்கள்.

அரசர் தன் மனப்பூர்வமான வாழ்த்துக்களை
உங்களிடம் தெரிவிக்கச் சொன்னார்.

நரகத்தை யமனும்
சிவலோகத்தை சிவனும்
வைகுண்டத்தை பெருமாளும்
இத்யாதி இத்யாதி உலகங்களை
அவரவர் கடவுள்களும் பார்த்துக் கொள்வார்கள்

நமது அரசர் நன்கு அறிவார்
பரத கண்டத்திற்கு மட்டுமே
தான் பொறுப்பென்பதை.

ஆவிகளின் ரகசிய திட்டங்கள்
எப்பொழுதும் அரசருக்கு
அனுசரனையானவைதான்

ஆவிகள் அரசருடனான
பொதுத் திட்டங்களோடுதான்
தங்களின்
தனித் திட்டங்களையும்
நிறைவேற்றிக் கொள்கின்றன.

மரணம் என்பது பகிரங்கமானது
மரணம் என்பது அதிகாரத்தால் தீர்மானிக்கப்படுவது
மரணம் என்பது தண்டனைகளின் உயர்வடிவம்
மரணம் என்பது சட்டங்களுக்கு உட்பட்டது
மரணம் என்பது ஒழுங்குமுறைகளை நிர்பந்திப்பது
மரணம் என்பது நிலவுவதை நிரந்தரப்படுத்துவது
மரணம் என்பது புவிமண்டலத்தின் சகல பிரதேசங்களையும் அரசரின்

கட்டுப்பாட்டிற்குள் கொண்டு வருவது

புலவரே
இந்த ரகசியம் நம்மோடு இருக்கட்டும்.
நேற்று நாம் அவரவர் ஆதாருக்காக
அவரவரை மிரட்டினோம்
இன்று அடுத்தவர் ஆதாருக்காக
ஒவ்வொருவரையும் மிரட்டுகிறோம்
நாம் எப்பொழுதும்
உடமைகளை
கண்காணித்துக் கொண்டே இருக்கிறோம்.

இன்றைக்கு
அவை அவனுடையதாக இருக்கலாம்
ஆனால்
நாளை நிச்சயம்
அவை அவனுடையதாக இருக்கக்கூடாது

– 5 ஆகஸ்ட் 2017

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

 
%d bloggers like this: