எனது நாட்குறிப்புகள்

ஹோலோஹாஸ்டிற்குள் எதிரொலித்தபடி ஒரு குரல்

Posted by ம​கேஷ் மேல் ஓகஸ்ட் 13, 2017

நான்கு பேர்
அனுப்பப்பட்டார்கள்
பயத்தில் ஒருவர்
தானாகவே
தற்கொலைக்குச் சமமான
முடிவெடுத்து
விலகல் கடிதம் கொடுத்துவிட்டார்
மீதமுள்ளவர்கள்
மனிதவள அதிகாரியின்
அறைக்கு அழைக்கப்பட்டோம்.

ஏன் எதற்கு
என்று யாரும் யாரிடமும்
கேட்டுக் கொள்ளவில்லை
தொங்கிய தலையுடன்
ஒருவர் பின் ஒருவராக
உள்ளே நுழைந்தோம்.

அதிகாரி பேசத் துவங்கினார்
கண்கள்
இருட்டிக் கொண்டு வந்தது
என் காதுகளில்
விழுந்தவை

“எங்களுக்கு நிறைய
வேலையாட்கள் தேவைப்படுகிறார்கள்
உங்களில் ஒவ்வொருவருக்கும்
எங்களிடம் வேலையிருக்கிறது
தச்சர்கள் தேவை
மின் பணியாளர்கள் தேவை
பிளம்பர்கள் தேவை
மேஸ்திரிகள் தேவை
சித்தாள்கள் தேவை
மருத்துவ பணியாளர்கள் தேவை
எதுவும் தெரியாதவர்களும்
பயப்படத் தேவையில்லை
கற்றுக் கொடுத்து
வேலை தருவோம்

நீங்கள் அனைவரும்
நீண்ட துாரம்
நடந்து களைத்து
வந்திருக்கிறீர்கள்

உங்கள் ஆடைகளை
களைந்துவிட்டு
அந்த அறையில் சென்று
நன்கு குளித்துவிட்டு வாருங்கள்
உங்களுக்கான
புதிய ஆடைகளும்
சுடச்சுட சிற்றுண்டிகளும்
வேலைகளும்
காத்துக் கொண்டிருக்கின்றன”

ஒலிபெருக்கியிலிருந்து
அந்த
ஹோலோஹாஸ்டிற்குள்
எதிரொலித்தபடி
ஒரு குரல்
கேட்டுக் கொண்டேயிருக்கிறது.

 

2 August 2017

பேஸ்புக்கில் பிரசுரித்தது

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

 
%d bloggers like this: